Heimsóknir og afmælisveisla :)

Litli karlinn heldur áfram að þvælast um með mömmu sinni :)  Á laugardaginn stoppuðum við hjá Helen systur eftir Ikea ferð.  Honum leist vel á Atla frænda sinn, mændi á hann alveg heillaður :)  Honum fannst Arna Rún frænka líka spennandi og henni fannst gaman að kíkja aðeins á hann :)  Á sunnudaginn heimsóttum við svo Steinku systur.  Þar hittum við Úlfhildi frænku hans sem er fædd í desember 2010.  Henni fannst Stefán ansi spennandi og langaði mikið að fá að djöflast í honum.  Hún varð frekar afbrýðisöm þegar mamma hennar tók Stefán í fangið :)  Í dag á Steinar Sverrir 6 ára afmæli og við skelltum okkur þangað í afmæliskaffi.  Stefán gekk á milli manna og var afar ánægður með dekrið.  Hann steinsofnaði í fanginu á Ragnari og kúrði hjá honum í sófanum í nokkurn tíma :)  Hann hafði nú ekki áhuga á kökunum í þetta sinn, en fékk hressingu hjá mömmu inni í svefnherbergi.  Hér eru nokkrar myndir frá þessum ævintýrum:

 Arna frænka fékk að prófa að halda á Stefáni

 Stefán horfir heillaður á Atla frænda

 Var alveg til í að spjalla á fullu við frænda sinn

Arna að vera góð við frænda sinn

 Stefán spjallar við Helen frænku heima hjá Steinku

 Stefán fékk að leggja sig inni í herbergi en vaknaði fljótlega

Ekkert smá sætur nývaknaður :)

 Stefán nýtur aðdáunar fjölskyldunnar í afmæli Steinars

 Afmælisbarnið hæstánægður að gæða sér á köku

Svanhildur frænka var eins og venjulega til í að labba um með prinsinn