Fyrsta sinn út í vagn á fyrsta þjóðhátíðardeginum :)

Stefán Sölvi prófaði vagninn sinn í fyrsta skipti í dag.  Við fórum niður í bæ með Hildu og Ragga til að skoða mannlífið á 17. júní.  Þegar við komum að Hlemmi var skrúðgangan einmitt að fara af stað og fylgdum við henni að hluta niður Laugaveginn.  Litli karl er því búinn að fara í sína fyrstu skrúðgöngu :)  Alltaf eitthvað nýtt fyrir hann að prófa.  Við röltum alla leið niður á Austurvöll og settumst þar smá stund og fengum okkur hressingu.  Systkinin stilltu sér svo upp fyrir framan kransinn við styttu Jóns Sigurðssonar og voru mynduð í tilefni dagsins.  Stefán Sölvi var reyndar steinsofandi á meðan á þeirri myndatöku stóð - í raun svaf hann allan tímann sem við vorum úti !  Við stoppuðum aðeins í Kolaportinu og heilsuðum upp á ömmu hennar Hildu.  Svo var haldið heim á leið, alls voru þetta 4 klst sem ferðin tók.