Afmælisveisla hjá Helga Steinari frænda

Við skelltum okkur í afmæli hjá Helga Steinari litla frænda í dag :)  Hann verður 1 árs þann 1. október en veislan var haldin í dag heima hjá ömmu í Mávahlíðinni.  Ungi maðurinn sýndi gestum hvað hann er orðinn duglegur, vantar bara herslumuninn þá fer hann að labba út um allt :)  Stefáni fannst afar spennandi að aðstoða hann við að opna stóran afmælispakka og varð enn æstari þegar hann áttaði sig á því að þetta var sparkbíll :)  Reyndi að setjast á hann áður en búið var að ná honum úr umbúðunum :)  Hann fékk að prófa hann og var líka að ýta bílnum með Helga Steinari í :)  Veitingarnar voru ekki af verri endanum og við hámuðum í okkur góðgætið.  Stefáni finnst ekkert leiðinlegt í svona partíum :)  Hér eru nokkrar myndir frá deginum.

Hér er Hr. Hjálpsamur að aðstoða litla frænda

 Úa frænka mætt á staðinn :)

 Sætasti afmælisdrengurinn

 Angry birds kaka !

 Stefán prófar bílinn hans Helga Steinars

 Hjá Möggu, virðulegur á svip

Krílin borðuðu í eldhúsinu :)

Nýjasta nýtt

Jæja, nóg er búið að vera að gerast hjá okkur undanfarið en lítið skrifað !  Stefán Sölvi er búinn að mæta í þó nokkrar afmælisveislur.  Við fórum í afmæli hjá Örnu Ösp 18. ágúst en það afmæli var haldið utandyra í garði, Stefáni til mikillar gleði :)  Hann æddi um allan garðinn og reyndi m.a. að komast inn í búrið til kanínunar sem býr þarna.  Þann 19. ágúst fórum við svo upp í sumarbústað til Svanhildar og fjölskyldu og héldum þar upp á afmælið hans Óla, 8. september fórum við svo í afmæli til Hrafndísar Jónu, 11. september í afmæli til Dodda og 16. september í afmæli Eyrúnar hennar Sifjar :) Það er stanslaust fjör hjá okkur, það verður að segjast :)  Stefán Sölvi hefur nú verið í svefnþjálfun í þrjár vikur.  Hann sofnar ekki lengur við brjóstið heldur er lagður í rúmið sitt og sofnar þar.  Þetta hefur nú ekki gengið alveg smurt fyrir sig en er smá saman að koma, núna tekur þetta venjulega 15-20 mínútur.  Hann reynir ýmislegt til að halda sér vaknandi, hlær og ruggar sér fram og til baka og leikur sér á fullu með bangsana sína :)  Hann blaðrar alveg stanslaust en mest er þetta nú óskiljanlegt :)  Hann segir þó slatta af orðum, hér er listinn meira eða minna: mamma, amma, takk, já, nei, vá, hæ, bæ, hoppa, labbilabbi, bobba (brjóst), barbapapa, datt, datt-etta?, Hilda og namminammi :).  Hann er alltaf að verða duglegari að klifra upp á hluti, ýta á takka og uppgötva heiminn.  Hann er farinn að njóta þess að horfa á Skoppu og Skrítlu, Söngvaborg og Brúðubílinn.  Nýjasta uppáhaldið er Barbapabbi, hann fer að brosa um leið og ég teygi mig eftir bókinni til að lesa fyrir hann :)  Hann heldur áfram að vera kátur og glaður þessi elska.  Hér eru nokkrar myndir frá síðustu vikum:

 Gleðipinninn að chilla í stólnum sínum

 Að rústa baðherberginu :)

 Að láta Hildu systur lesa fyrir sig

 Kann að koma sér vel fyrir

 Kátur í baði :)

 Krúttíbúttí

 Hvaða svipur er þetta ?

 Töff hár

 Að reyna að sleppa upp úr baðinu

Fær innblástur úr bókinni um Láka jarðálf :)

Fjórir jaxlar komnir :)

Eftir nokkuð hlé í tanntöku tók Stefán Sölvi stökk og bætti við fjórum jöxlum !  Fyrst komu tveir í efri góm sem fundust 23. ágúst og síðan komu tveir í neðri góm 2. september.  Hann er því kominn með 12 tennur :)  Nú vantar bara tennurnar milli jaxlanna og framtannanna sem komnar eru :)

Sumarbústaðarferð í Brekkuskóg 10. - 17. ágúst

Við vorum varla fyrr komin heim en við lögðum aftur af stað :)  Að þessu sinni var ferðinni heitið í sumarbústað blaðamannafélagsins í Brekkuskógi. Við mættum á staðinn á laugardegi og Svanhildur og fjölskylda kom og gisti hjá okkur eina nótt.  Við grilluðum lambalæri og borðuðum á okkur gat, Stefán borðaði eins og venjulega mikið af lambakjötinu :)  Honum þótti heldur ekki spilla fyrir að hafa frændur sína til að leika við :)  Fjölskyldan fór heim á sunnudagskvöldið en á mánudeginum komu Hilda og Helen til okkar.    Drengurinn var ekkert smá kátur með það.  Á mánudeginum komu líka Júlíana vinkona og Eva dóttir hennar og heimsóttu okkur.  Við fórum með þeim upp í bústaðinn þeirra og þar blasti við eitthvað það mesta magn af bláberjum sem ég hef nokkurn tímann séð !  Ég týndi á hálftíma fulla tveggja lítra könnu og Stefán sat í lynginu og prufaði að týna upp í sig ber alveg án aðstoðar :)  Við grilluðum svo saman um kvöldið og höfðum það huggulegt.  Daginn eftir röltum aðeins um nágrennið og fórum niður að Brúará.  Ungi maðurinn vildi bara bruna út í ánna og var alveg snar þegar hann var stoppaður í því !  Hann fékk að prófa rennibraut sem var þarna fyrir utan og vildi bara fara aftur og aftur !  Mamman eyðilagði næstum á sér bakið við að lyfta honum upp :)  Til allrar lukku gat stóra systir lyft honum nokkrum sinnum :) Þær Helen og Hilda fóru svo heim á miðvikudeginum og við mæðgin dunduðum okkur ein.  Fórum í pottinn og löbbuðum um svæðið og týndum ber.  Á fimmtudeginum kom svo Magnea vinkona og gisti hjá okkur síðustu nóttina.  Þetta var afar þægileg dvöl þarna þó veðrið hafi verið frekar vott meirihluta tímans.  Stefán elskaði að hlaupa um pallinn og djöflast í pollunum fyrir utan :)  Við komum endurnærð úr bústaðnum :)

 Stuð í Hókus pókusstólnum :)

 Stundaði það að velta sér í gólfinu

 Það var afskaplega fyndið og gaman

 Stefáni leist ekkert á Strokk, varð hræddur þegar hann gaus

 Mættur að Gullfoss

 Fannst niðurinn frá fossinum skrítinn

 Að týna bláber við sumarbústaðinn hennar Júlíönu

 Hér er maður orðinn leiður á berjamónum

 Mæðgin í berjamó :)

 Það var mikið sport að leika sér í sturtubotninum

 Skroppið í pottinn með Helen og Hildu

 Alltaf gott að fara í heita pottinn

 Göngutúr um nágrennið

 Var ótrúlega duglegur að labba eftir þröngum stígnum niður að ánni

 Gaman úti í náttúrunni

 Spennandi að sjá vatnið í ánni renna undir brúnna

 Sumir vildu bara vaða út í ánna!

 Gaman að sulla í vatni :)

 Rennibrautin var vinsæl

 Brunað niður á fullri ferð :)

 Vúhú !

 Skórnir voru að þvælast fyrir, tók þá af en vildi hafa þá með í fjörinu

 Fjörkálfur á bleiunni úti á palli

 Dansaði um allt

 Litli grallari :)

 Prófað að fara eftir óvenjulegum leiðum milli palla

 Hér þykist maður vera mikið fórnarlamb af því maður fær ekki myndavélina

 Að borða möl

 Krúttilíus

 Gaman með mömmu úti

Gott að fá sér pela hjá Magneu sinni :)

Stefán stingur af frá hverfisveislunni úti í DK

Danmerkurferð 1.-8. ágúst :)

Stefán Sölvi er orðinn reyndur ferðamaður og ferðaðist nú með mér og systur sinni til Danmerkur 1.-8. ágúst.  Við dvöldum í góðu yfirlæti hjá Hildi vinkonu og fjölskyldu hennar.  Við byrjuðum á því að fara niður í miðborg Kaupmannahafnar á fimmtudeginum 2. ágúst og skoða okkur um þar.  Hilda kannaðist heilmikið við sig enda fórum við á staði sem hún var svo oft á þegar við bjuggum í borginni.  Við keyptum okkur MacDonalds og borðuðum matinn í grasagarðinum :)  Sáum þar rauðan íkorna, skjaldbökur og gráhegra, mér til gleði.  Stefáni fannst ekkert leiðinlegt að fá skyndibitann og var duglegur í frönsku kartöflunum !  Á föstudeginum skelltum við okkur í Tívolí !  Hilda naut þess að fara í öll stóru tækin meðan við Hildur vorum með krílin okkar á sérstökum smábarnaleikvelli í einu horninu.  Stefán brunaði þar um allt himinglaður, rendi sér niður rennibraut, klifraði yfir brú og reyndi að stinga af niður af leiksvæðinu í hvert skipti sem ég leit undan :)  Stefán var hinsvegar pínu hræddur við lætin frá tívolítækjunum og var svolítið lítill í sér þegar honum fannst þetta of nálægt.  Eftir tívolíheimsóknina fórum við og skoðuðum húsið þar sem við Hilda bjuggum í Avedöre. Það hafði merkilega lítið breyst, bara fleiri tré í garðinum fyrir neðan !  Hilda skoðaði líka gamla skólann sinn :)  Stefán fannst skemmtilegast að kíkja í litlu tjörnina í garðinum og var fúll yfiir því að fá ekki að sleppa í hana!  Á laugardeginum skruppum við til Hilleröd.  Þar smakkaði Hr. Stefán kebab í fyrsta skipti og líkaði mjög vel :)  Við röltum upp að Friðriksborgarhöll og litli prins sofnaði í þeim göngutúr.  Seinna um daginn var veisla í götunni þeirra Hildar og Sörens og var þar mikið um dýrðir.  Farið var í leiki og borðað saman.  Búið var að kaupa krítar fyrir börnin og eldri krakkarnir voru að lita á götuna.  Stefáni fannst þetta mjög spennandi og náði sér í krítar - en í stað þess að lita beit hann í þær !  Hann elskaði líka að bruna af stað hlæjandi niður götuna og láta mig elta sig :)  Þarna var lillinn í essinu sínu enda fullt af krökkum á staðnum :)  Á sunnudaginn fórum við mæðgur í verslunarmiðstöðina Fields og herramaðurinn kom með.  Þá fór hann í lest í fyrsta skipti :)  Honum virtist finnast það gaman, kíkti forvitinn út um allt, horfði út um gluggann og reyndi að heilla hina farþegana upp úr skónum :)  Honum fannst hinsvegar ekki gaman í Fields og það var ekki auðvelt fyrir mömmuna að reyna að versla eitthvað með snarbrjálaðan unga í kerru !  Á mánudeginum fórum við aftur niður í bæ og Hilda rölti ein um Strikið meðan við fórum og skiluðum köttum sem Hildur var með í pössun.  Við Hildur og Stefán borðuðum svo á Jensens böfhus á Amager og hittum Hildu svo í bænum.  Við héldum heim eftir smá búðarráp.  Um kvöldið kom svo Hafdís vinkona í heimsókn og kíkti aðeins á okkur.  Á þriðjudeginum fórum við í dýragarðinn.  Það ringdi frekar mikið þennan dag en við skemmtum okkur samt vel.  Stefáni leist vel á dýrin, var að vísu smeykur við stóra fugla sem vöppuðu um í regnskógahúsinu en var að öðru leyti hrifinn af því sem fyrir augu bar.  Í barnadýragarðinum fékk hann að klappa geit og fannst það ekki slæmt :)  Síðasta daginn okkar fórum við niður á Islands brygge og borðuðum þar sushi (Stefán fékk reyndar ekki að smakka)  og fengum okkur svo ís og sátum og horfðum á fólk synda í sjónum.  Síðan var keyrt út til Dragör þar sem við fórum á kaffihús og röltum aðeins um niðri við sjóinn.  Stefán vildi auðvitað æða út um allt, eina skiptið sem hann stoppaði eitthvað var þegar hann ákvað að heilla 3 stelpur sem sátu við höfnina upp úr skónum og hringsnerist brosandi í kringum þær :)  Síðan var komið að kveðjustund, við fórum út á flugvöll og héldum heim á leið.  Frábær ferð á enda með fullt af ævintýrum fyrir lítinn karl.  Við söknum Danmerkur, Hildar, Sörens og Sonju og verðum að koma aftur !

 Leikið með perlurennibraut á flugvellinum

Einn sofnaði enda dauðþreyttur fyrsta kvöldið úti

 Töffarinn í grasagarðinum

 Hilda og Hildur með krílin :)

 Sumum langaði inn í nammibúð á Strikinu :)

 Fengum okkur hressingu í Nyhavn

 Stefán ánægður með lífið

 Rifið í hárið á mömmu gömlu :)

 Á leikvelli í Tívolí

 Litli klifurkötturinn farinn af stað

 Kíkt inn í kafbát

 Klöngrast yfir brú

Gaman að skoða trjábolina

 Farið í göngin

 Nei þú hér hinumegin ?

 Pósað við Friðriksborgarhöll

 Stefán að leika sér með krítarnar í götuveislunni

 Leikur sér við Jónatan sem var aðeins eldri

 Hjólbörurnar voru spennó

 Hoppað og skoppað við börurnar :9

 Ærslast með Hildu

 Í dýragarðinum

 Stefán var pínu hræddur við þessa fugla sem labba um allt

 Kíkti samt á þá

 Frekar greinilegt að þeim leist ekki hvor á annan

 Hér er sjarmörinn að heilla unga dömu og hossa sér á sillunni með henni

 Stefán skoðar fílana

 Hér fær hann að klappa geit :)

 Stuð að labba á trjáboli

 Meiriháttar !

 Í Dragör með Eyrarsundsbrúnna í baksýn

Á rölti úti á bryggju